|
ART FİLMİ: QAYSAR
Qaysari ren, 1969 3’anas Mesud Kimiaişi noxvene İranuri art filmi. Am filmik ağani trendi geoç’k’apu do İranuri sinemas goktinuşi nukda ik’abulinen. Kimiaik, İranuri sinemas “t’ragiuri aksioni drama” do “intik’amişi tema” yado ağani art ç’eşidi yoçkindu. Dudroli Behruz Vossoughik, İranuri sinemas efsane art akt’ori koniktu.
Fati, Mansur Abmangol coxoni art k’oçişk’elen tecavuzi xveneri, korbas oqopineri do emuşeni dudi muşi meqvileri art ağanmorde k’ulanie. Cuma muşi Farmanis, Mansuri oqvilu do aşote intik’ami eç’opu unon mara Manusurişi cumalepe Rahimi do Kerimişk’elen iqvilen. Qaysari ocaxişi irişen ç’it’a skirie do çkvaneri ar oput’es ixandeps. Noğamisa muşi oz’iru şeni oput’e muşişa uk’uniktet’uşi ocaxi muşişi t’ragedia ognaps. İntik’ami eç’opu şeni dulya muşiş naşkvinu gonk’vatups. Kerimi obonales do Rahimiti ok’vateles doqvilups. Mansuri gorupt’uşi, Qaysarişi nanak noç’arepe muşis var naxondinen do doğurun. Qaysarik çodinas Mansuri doqvilups mara mukti p’olisişk’elen diqvilen.
Maktale: Mesud Kimiai; Senario: Mesud Kimiai; Masağalepe: Behruz Vossoughi, Bahman Mofid, Pouri Banaii, Mir Mohammad Tajaddod, Nasser Malekmotei, İran Daftari, Jamshid Mashayekhi, Jalal Pishvaian, Hasan Shahin; Ç’eşidi muşi: T’ragiuri drama; Dobadona muşi: İran; Nena muşi: Farsuli; 3’ana muşi: 1969.
|
TÜRKÇE
