ჩქიმი დოსთეფე ჩქინი ონტულეს ქეჩქინდუ დიდო მუნტური, მსქინურა დო ჩხვინდი გინგილონი ბობონჭვა. კართა ნდღას მა ბძიროფტი ქი, ლუყუში, კრომიში დო ბულეკიში ბუტკაფე მითხანეფე ხვატუფს. მციქა ორაშკულე მა ქობძირი ქი, ნამ ბუტკაფე ბძირი-ნა; ჩხვინდი გინგილონი ბობონჭვაფე, მსქვინურაფე ვარნა მჭიფე მუნტურეფე ექ რენან, დო ბუტკაფე ხვატერენან. მა ქოგევოჭკი ოკორობუს. დიდო ბობონჭვაფე დო მუნტურეფე დოპკორობი დო დოპჭვი. მარა მციქა ორაშკულე, პკორობუფტიში ქობძირი მუჭო კაპინერი მთხალარიქ ოხუტკვაცუ არ ბობონჭვას დო არ შვაჯის ოჭკომუ. ეჲა ოჭკომუშკულე ხოლო უნკაპუ შუკაშა დო ექთი ოჭკომუ დიდი მუნტური. მა უოხონკანუ ქოდოფხედი დო მთხალარის ვოწკერტი. მციქა ორაშკულე არჩქვა სუმ მთხალარეფე ქობძირი. ენთეფექ ექოლე აქოლე უნკაპინტეს დო მუნტური, მჭაჯი, ბობონჭვაფე მთელი ხოლო იმხორტეს. ეკულე ნა ყურაფს მაყაყი ქობძირი. ემუქთი მთხალარეფე სთერი ჩქიმი ონტულეშ დუშმანეფე იმხორტუ. აშოთე ოხოვოწონი ქი, ნა ყურაფს მაყაყი დო მთხალარეფე ჩქიმი დოსთეფე რენან. (ოკითხუშენი სუპარა - 1937 სოხუმი)   © 2006 kolkhoba.org