მამპონე ბადი არ ნდღას არ ბადიქ, ბაღის მცხული გჲომპონაფტერენ. არ ბიჭიაღანმორდალექ ხოლოს მუშიშა მენდახთერენ დო აშო უწვერენ: - ჯუმადი, მუ იქიფ, მუშენი გჲომპონაფ, ამუში მცხული შამეგჭიშანეფს ჲა (შამეგიჭიშუნი ჲა)? სი დოხედი, მოიშვაჯი ჲა! ბადიქ ბიჭიაღანმორდალეს აშო უწვერენ: - ვარ, ვარ! ნენა გჲუქთირერენ ბადიქ. - მანთი ქომიჩქინ ნა ვა მემიჭიშუნ. ხოლო ჩქვა მითიში ბერეფეს მეჭიშასუნონ ჲა დო კაი დვაწონასუნონან, მან ხოლო გომიშინასუნონან, ამბარეფე ჩქინი ირი წანას აღანიშენ აღანი თქვასუნონან ჲა. გურის აშო მეკამილაფს დო ბაღი დოვოშენაფ ჲა! (ოკითხუშენი სუპარა - 1937 სოხუმი)   © 2006 kolkhoba.org