მუ ზოპონან ფუქირეფექ? ჭიჭიტა ევნი დო სემახეთი და დო ჯუმა ტეს. ენთეფე ზენიშა იდეს დო გულუტეს. ზენის ფუქირეფექ პიჯეფე მუში ქოგონწკერეტეს დო შურა ქოგოხთერეტუ ირი კელე. იხი გოლუბარუშ კულე ფუქირეფექ ში ში ში ჲადო მუთეფეშიში აღარღალუს ქოგჲოჭკეს: - მუ რენ ჲა, მუშ ოღარღალუ რენ, მუთხანი ყუჯის გემასვენ ჲა? ნკითხუ ჭიჭიტა ევნიქ, სემახეთის: - აჲა ფუქირეფექ ზოპონან! ნთქუ სემახეთიქ, - წილით წილით ფუქირეფე, ხეს დიქაჩით ჲა! - დიდო მეგომსქვანასუნონან. - დოგურონიშა მენდამიღით ჲა, კოლეკცია დოყვით (ყვით)! - ქოდიგურით ჩქინი სქიდალა! - ოხოწონით მი რენ თქვანი დოსთი დუშმანი ჲა! ევნის დიდო ახელუ დო ტაში ტაში ტაში ჲადო ოხორონუს ქოგჲოჭკუ. ევნი დო სემახეთიქ დიდო ეჲნა მეჲნა ფუქირეფე დოწილეს, ოხორიშა მენდიღეს, დოხომინეს დო დოგურონი შენი ზენის ნა რენან ფუქირეფეში კოლეკცია დოყვეს. (ოკითხუშენი სუპარა - 1937 სოხუმი)   © 2006 kolkhoba.org