MJVABU - Mjvabu, mjvabu! Geçi, k'ap'et'i geçi! Qurapt'es mamgurepek.(1) Am notkvamepe kognuş k'ule, mamgurapalek doguronişen kogamaxtu do mamgurepe xolos muşişa koducoxu:(2) Mjvabu mot qviluptya? Nk'itxu mamgurapalek.(3) Nena mitik va eşiğu. Mitis va uçkit’u ki, muşeni qvilupt'es.(4) Mitis nena va gyaktiru şeni mamgurapalek mjvabuş oskedinu şeni mamgurepes oxo3'onapu:(5) Mjvabu k’oçişi dosti ren. Mitik bela va goruna zarari va meçaps. Xvala xes ezdimu do okaçu va unon. Mjvabuşi mteli xura p'up'uzoni ren, p'up'uzepe muşis kogamulun xşamoni zomini. Emute k'oçis t'k'ebi uzirins.(6) Ndğaleri mjvabuk incirs sotxani m3'k'upis, lande svas. Muk limcis iqondeps. Limcis kogamulun avcobaşa.(7) Ehe mç’imaş 3'i3'i isuruns. Mjvabuk koz’iru do tamo tamo xolos muşişa nulun. Mendaxtu xolos muşişa do, 3'k'ap', kono3xont'u do mç'imaş 3'i3'i na rt'u svas va ren.(8) Mjvabuşi nena bjiri (, jurnenoni) ren. Muk p'iciş doloxe uk'açxineri (, k'ap'ulaşi) qucite var, edo 3'oxleni qucite nk'ireli ren. Nena muşiş uk'açxineri quci moşletineri ren. Mjvabuk gamat'k'omers eya gale do, mç'aboni lenç'k'vate sveri na ren şeni mjvabuk na ç'opupspe, mjvabuşi nenas naç'abenan.(9) Mteli (k’arta) seris imxors muk munt'urepe, mç'imaş 3'i3'epe, pen3'ope do seris na gamulunanpe, getasulepes, ont'ulepes, bağepes do qonapes zarari na ikipanpe.(10) - Mjvabu k'oçişi dosti ren. Mo qvilupt, mjvabuşi ti çvit.(11) Aşo doçodinu otku muşi mamgurapalek.(12) MJVABU TOPRAK KURBAĞASI Mjvabu, mjvabu! Geçi, k'ap'et'i geçi! Qurapt'es mamgurepek.(1) Kurbağa, kurbağa! Vur kuvvetli vur! Bağırıyorlardı talebeler.(1) mjvabu: toprak kurbağası geçi: vur k’ap’et’i: sert qurapt’es: bağırıyorlardı mamgurepek: +(ergatif) talebeler Am notkvamepe kognuş k'ule, mamgurapalek doguronişen kogamaxtu do mamgurepe xolos muşişa koducoxu:(2) Öğretmen bu sözleri duyduktan sonra okuldan çıktı ve talebeleri yanına çağırdı.(2) am: bu notkvame: söyleyiş, deyim kognuş k’ule: (o) duyduktan sonra mamgurapalek: +(ergatif) öğretmen doguronişen: okuldan do: ve mamgurepe: talebeler xolos muşişa: yakınına, yanına koducoxu: çağırdı Mjvabu mot qviluptya? Nk'itxu mamgurapalek.(3) Kurbağayı niçin öldürüyorsunuz? Diye sordu öğretmen.(3) mjvabu: toprak kurbağası mot: neden qvilupt: öldürüyorsunuz nk’itxu: sordu mamgurapalek: +(ergatif) öğretmen Nena mitik va eşiğu. Mitis va uçkit’u ki, muşeni qvilupt'es.(4) Kimse ses çıkarmadı, niçin öldürdüklerini bilmiyorlardı ki.(4) nena: dil, söz mitik: +(ergatif) kimse va eşiğu: çıkarmadı mitis: kimseye, kimsede va uçkit’u: bilmiyordu muşeni: niçin, neden qvilupt’es: öldürüyorlardı Mitis nena va gyaktiru şeni mamgurapalek mjvabuş oskedinu şeni mamgurepes oxo3'onapu:(5) Kimse cevap veremediği için öğretmen kurbağanın yaşaması için talebelere anlattı.(5) mitis: +(datif) kimseye, kimsede nena: dil, söz va gyaktiru: çeviremedi şeni: için mamgurapalek: +(ergatif) öğretmen mjvabuş: kurbağanın oskedinu şeni: yaşama(sı) için mamgurepes: talebelere, talebelerde oxo3’onapu: anlattı Mjvabu k’oçişi dosti ren. Mitik bela va goruna zarari va meçaps. Xvala xes ezdimu do okaçu va unon. Mjvabuşi mteli xura p'up'uzoni ren, p'up'uzepe muşis kogamulun xşamoni zomini. Emute k'oçis t'k'ebi uzirins.(6) Kurbağa insanın dostudur. Kimse kendisinden bela aramazsa zarar vermez. Yalnız ele alınmayı ve elde tutulmayı sevmez. Kurbağanın bütün vücudu siyillidir, siyillerinden kaşıntılı sıvı çıkar. Onunla insanın derisi sızlar.(6) mjvabu: toprak kurbağası k’oçişi: adamın, insanın dosti: dost ren: var, dır mitik: +(ergatif) kimse bela: bela va goruna: aramadıysa zarari: zarar va meçaps: vermez xvala: sadece, yalnız xes ezdimu: ele almak do: ve okaçu: tutmak va unon: istemiyor mjvabuşi: toprak kurbağasının mteli: hepsi, tamamı, bütünü xura: vücut p’up’uzoni: sivilceli ren: var, dır p’up’uzepe muşis: sivilcelerine, sivilcelerinde kogamulun: dışarı çıkar xşamoni: kaşıntılı zomini: sıvı emute: onunla k’oçis: adama, adamda t’k’ebi: deri uzirins: sızlıyor Ndğaleri mjvabuk incirs sotxani m3'k'upis, lande svas. Muk limcis iqondeps. Limcis kogamulun avcobaşa.(7) Kurbağa gündüz karanlık ve kuytu yerlerde uyur. Kendisi gündüz bekler (, oyalanır). Avcılığa akşam çıkar.(7) ndğaleri: gündüz mjvabuk: +(ergatif) toprak kurbağası incirs: uyu(yo)r sotxani: herhangi bir yer m3’k’upis: karanlığa, karanlıkta lande: gölge svas: yere, yerde muk: +(ergatif) kendisi limcis: akşama, akşamda iqondeps: bekliyor limcis: akşama, akşamda kogamulun: çıkar avcobaşa: avcılığa Ehe mç’imaş 3'i3'i isuruns. Mjvabuk koz’iru do tamo tamo xolos muşişa nulun. Mendaxtu xolos muşişa do, 3'k'ap', kono3xont'u do mç'imaş 3'i3'i na rt'u svas va ren.(8) İşte yağmur solucanı sürünüyor. Kurbağa; gördü ve yavaş yavaş yanına yaklaşıyor, yanına gitti ve, şıp, atıldı ve yağmur solucanı olduğu yerde yok.(8) ehe: ehe mç’imaş 3’i3’i: yağmur solucanı isuruns: sürünüyor mjvabuk: +(ergatif) toprak kurbağası koz’iru: gördü do: ve tamo tamo: birer birer, azar azar xolos muşişa: yakınına, yanına nulun: gidiyor mendaxtu: gitti xolos muşişa do: yakınına ve, yanına ve 3’k’ap: tskap (sesteş sözcük) kono3xont’u: sıçradı do: ve mç’imaş 3’i3’i: yağmur solucanı na rt’u svas: olduğu yere, olduğu yerde va ren: yok(dur) Mjvabuşi nena bjiri (, jurnenoni) ren. Muk p'iciş doloxe uk'açxineri (, k'ap'ulaşi) qucite var, edo 3'oxleni qucite nk'ireli ren. Nena muşiş uk'açxineri quci moşletineri ren. Mjvabuk gamat'k'omers eya gale do, mç'aboni lenç'k'vate sveri na ren şeni mjvabuk na ç'opupspe, mjvabuşi nenas naç'abenan.(9) Kurbağa iki dillidir. Ağzının içindeki, arka kulakçıkla değil, ön kulakçıkla bağlantılıdır. Dilinin arkasındaki kulakçık serbestir. Kurbağa onu dışarı fırlatır ve tamamen yapışkan tükürükle sürülmüş olduğu için kurbağanın yakaladıkları, kurbağanın diline yapışırlar.(9) mjvabuş: toprak kurbağasının nena: dil, söz jurnenoni: iki dilli ren: var, dır muk: +(ergatif) kendisi p’iciş: ağzın doloxe: içeri(ye/de) k’ap’ulaşi: arkanın qucite: kulakla va(r): yok edo: ...ve de 3’oxleni: önceki qucite: kulakla nk'ireli ren: bağlıdır nena muşiş: dilinin uk'açxineri: daha sonraki quci: kulak moşletineri: kurtarılmış ren: var, dır mjvabuk: +(ergatif) toprak kurbağası gamat’k’omers: fırlatıyor eya: o gale: dışarı(ya) do: ve mç’aboni lenç’k’vate: yapışkan tükürükle sveri: sürülmüş na ren: olan şeni: için mjvabuk: +(ergatif) toprak kurbağası na ç’opupspe: yakaladıkları mjvabuşi: toprak kurbağasının nenas: diline, dilinde naç’abenan: yapışarak yakalanırlar Mteli (k’arta) seris imxors muk munt'urepe, mç'imaş 3'i3'epe, pen3'ope do seris na gamulunanpe, getasulepes, ont'ulepes, bağepes do qonapes zarari na ikipanpe.(10) O bütün gece kurtçukları, yağmur solucanlarını, salyangozları ve gece dışarı çıkanları, bostanlara, bahçelere, bağlara ve tarlalara zarar verenleri yer.(10) mteli (k’arta) seris: her akşam imxors: yiyor muk: +(ergatif) kendisi munt’urepe: kurtçuklar mç’imaş 3’i3’epe: yağmur solucanları pen3’ope: salyangozlar do: ve seris na gamulunanpe: geçe dışarı çıkanlar getasulepes: bostanlara, bostanlarda ont’ulepes: bahçelere, bahçelerde (ekin yerlerinde) bağepes: bağlarda, bağlara do: ve qonapes: tarlalara, tarlalara zarari: zarar na ikipanpe: yapanlar Mjvabu k'oçişi dosti ren. Mo qvilupt, mjvabuşi ti çvit.(11) Kurbağa insanın dostudur. Vurmayın, kurbağanın başını (, kendisini) koruyun. (11) mjvabu: toprak kurbağası k’oçişi: adamın, insanın dosti: dost ren: var, dır mo qvilupt: öldürmeyin mjvabuşi: toprak kurbağasının ti: baş çvit: bekleyin Aşo doçodinu otku muşi mamgurapalek.(12) Öğretmen sözlerini böyle bitirdi.(12) aşo: böyle, şöyle doçodinu: bitirdi otku muşi: deyişini mamgurapalek: +(ergatif) öğretmen (Ok'itxuşeni Sup'ara - 1937 Soxumi)   © 2006 kolkhoba.org