ლუყუ გოკირელი მალზემეფე: (6 ვანა 8 კოჩი შენი) 600 გრ უყვილონი, მჩურიშ ტიკანიში ხორცი 100 გრ ბრინჯი 2 წალი კრომი 2 პარკი უჩა ლუყუ არ კვინციშ გვერდიშ გვერდი ლიკიდი ჲაღი მარა ალიმა უკათით ნა უმოსი კაი იყვენ 60 გრ თერეშიჲაღი გვერდი ფარკი ჭიჭამი ხომულა მინთა უჩა პიპერი ჯუმუ არ კიზი სალჩა ლუყუფე ეშო მჭიფაშაში მჭიფაშაში ჩხათგინონან დო ხარხალერი წკარიშ დოლოხე დოლოტკოჩათგინონან. ხუთ მინუტიშკულე ლუყუ გოწუნწირათგინონან დო კრომი-თი ელუკათათგინონან. მჩურიშ ტიკანიში ხორცეფე ეშო მჭიფაშაში მჭიფაშაში მეკვათათგინონან ვანა არ მაქინას დომქვათგინონან. ეშო კუტალი არ ანგი ძირათგინონან დო ემუშ დოლოხე ხორცი დო მთელიხოლო მალზემეფე ქოდოლობღათგინონან დო ქაიხეშა ზათგინონან. გვერდი ჩაიშ კვინცი წკარითი ელუკათათგინონან. ლუყუში ჯერღვეფე კაი ვა გიწონუნ ნა ენთეფე დოკვათით დო ქოგამიღით. ლუყუში ბუტკაფე ეშო არ ბუტკაშენ 2 ვანა 4 დოლმა ნა გამახთასუნონ სთერი ქაიხეშა დოკირით. თერეშიჲაღი დო სალჩა ელაჭვინერი დაჩხირიშ ჟინ ელუნჭვინათგინონან, სარმაფეშ ჟინ გებათგინონან, 1,5 ჩაიში კვინცი წკარითი ელუკათათგინონან დო წკარი მუში დიჩოდაშაქის დოგიბათგინონან.   © 2006 kolkhoba.org