მცხულიშ პეკმეზი მცხული ფათხათგინონან დო თუდე ქოდიბღაშ კულე ტიკინაფეთენ კორობათგინონან. ეჲა ოხორიშა მუღათგინონან, კაი ხეშა წკარითენ ჩხათგინონან. ემუშ კულე დიდი ჭუკეფე დოდგათგინონან. ხამითენ თი მცხულეფე ჶილათგინონან. მუ შენი ქი ოჶილათგინონან, ამ დულჲა ვა ყვათ ნა მცხული ვა მუჲიგიბენ. ოჶილუ, ეშო დიქოთ ოთხო ნაჶილე ოკვათუმუ რენ. ეკულე, ჭუკეფეს ჶილერი მცხულეფე დოლობღათგინონან. ხოლო თი გალე დაჩხირი ოკოგზათგინონან. გამორგვა მუშის ქვა გედგათგინონან. ემ ქვაშ ჟინ თი გინძე დიშქა გედგით ნა მეთი კაი იყვენ. ჭუკიში ჟინ მუშის წკარი გებათგინონან დო კაი ხეშა ხარხალერი ხარხალერი დოგიბათგინონან. მცხული დიგიბაშ კულე გიღათგინონან დო დოდგათგინონან. დოლოხენი ლოყა გამი ტაშაქის (ინჭორა ტაშაქის) წირათგინონან. ლოყა წკარი ქოგამახთაში მცხულეფე თი მეხვათგინონან გალე. ეკულე ხოლო ემ დაჩხირიშ ჟინ ტავა გედგათგინონან. ნა გამანწირით ლოყა, ტავას გებათგინონან. უკაჩხე თი ართნერი დაჩხირის გედგათგინონან მარა ჭიტა ჭიტა გელუბათგინონან. ეშოფეთენ დოგიბათგინონან დო ჭიტა ჭიტა ოპეჯანუს გჲოჭკაში კირზა ოქთათგინონან ქი ვა გჲაჭვას. პეკმეზი დიპეჯანაში ხოლო ანგეფეს დოლობღათგინონან.   © 2006 kolkhoba.org