კოლხობაში მისია

ხელაკაობა ღირსონი მაკითხალეფე!

დიდო ორაშენ დონი ნა იზმონენტუ დო გური ჩქინიშენ ნა გოლულუტუ აღანი არ საიტი, ნენაფე ჩქინიშა მხუჯი მეჩამუ შენი გუინწკუ.

მუშენი აშო არ საიტი გონწკუ მემაჭირეს?
კოლხობაში კულტურა დო ხუსუსუროთთი ნენაფეს, ნა ჭირს კონარი ბეჯითობა ნა მეჩაფს არ საიტი ნა ვარ რენ შენი.

მუ ნოღირათენ აშო არ შარას გებდგიდით?
კოლხობაში მჯვეში ნენაფე კაიხეშა ნა ვარ უჩქინანფეშა ოგურუშა მეშველუ შენი; მენგაფერი საიტეფეს ნენაური ხანდაფე ნა ვარ ახვენანფეშა გური გედვაფუ შენი; ჩქვა ნამთინი ნენაფეთენ ნა ოჭანდინაფს მარა ნენა ჩქინი ნა ვარ ძიროფს თრთ-შა, ლაზური ნენათენ ოჭანდინაფა ოწირამუ შენი.

მუჭოში ჶენთითენ მატერიალეფე ბძირით?
კოლხობაში ნჭარალობა შენი ჭარელი ნა რენ ირი მუთხანეფე, გური მუშის ნენაფეში ჭვინი ნა უღუნ მითხანეფეშენ ბძირით დო თქვანი შენი გებდგით.

მუნდეს გევოჭკით დო მუნდეს იჩოდასუნონ?
კოლხობაში გური ნა დოლომადვეს ორას გევოჭკით დო კოლხობა ვარ ღურაშაქის ვარ იჩოდასუნონ.

სო ფსქიდუტით დო აწი სო ფსქიდუთ?
კოლხობაში დიხაფეს ფსქიდუტით დო კოლხობა ნა სქიდუნ კართა სვას ფსქიდუთ.

მი კალა გური მიღუნან დო მი კალა დულჲა ვარ მიღუნან?
კოლხობაში ნენაფეში ნარღი ნა უღუნანფე კალა ვორეთ დო კოლხობაშენ ჩქარ ამბარი ნა ვარ უღუნანფე კალა დო ამ თემაში თუჯარეფე კალა გზამშინობა ვარ მიღუნან.

კოლხობა.ორგ