ლაზონაში გეჩაჩხალა: ვიწე ვიწეში დიხაშზომა რენ 409 კმ². ჲულვა მუშის არქაბი, გულვა მუშის არტაშენი, ომჟორე მუშის მაკუჶი დო ოჩილდრე მუშისთი უჩაზოღა გუდგინ. ზოღაპიჯი მუში რენ 13 კმ. ზენონი დიხაფე რენან ზოღაპიჯის. კაჩკარიშა იხოლოსაში რაკანეფე დო გერმაფე იმაღალენ. ვადეფეში შქას ნამთინი ზენეფე გოშაძინ. სუმერ, არილი დო ჩაღლაჲანი ჯოხონი აბჟაფეში გომორგვაშ ვადეფექ წოფხუფან ვიწეში დიხაფე. ქორენ ონჯვალე დო გოლაფე ამ აბჟაფეში მორგვალის. კაჭკარიში თუდენი კუნწულეფეშა მეხთაში, ირორას მთვირი იძირენ. უჩაზოღაში ტიპიური დიხა დო ტარონი უღუნ ვიწეს. წანას 6 თუთა გომწკუფერი, 4 თუთა დიდო მპულონი, 1,5 თუთა მპულონი, 19 დღა გონწკიმერი ტარონი უღუნ. 365 დღაში ნანჭინეროთ გვერდი რენ მჭიმონი. წანური ომჭიმუში ნაკონობა იმაღალენ 2.500 მმ-შენ 3.000 მმ-შაქის. ირიშენ მაღალი ტენიში ნისფეტი რენ ოშის 95, ირიშენ თაფალა ტენიში ნისფეტითი რენ ნანჭინეროთ ოშის 40. ირიშენ მაღალი ტუცანობა რენ 30 ჯ. ირიშენ თაფალა დერეჯეთი რენ ნანჭინეროთ –4 ჯ. ვიწე იკათინუ ოსმანური ოქთალას მეხმედი მაჟურანიში ხეცალას. 1886-შაქის ოფუტეში სტატუ ნა უღუტუ ვიწე, 1887-ს ხოფაშა მეკირელი ჭიტანოღა იყუ. 15 კუნდურა 1916-ს, ხე გეიდვინუ ჩარობაშ რუსიაში არმიაფეშკელენ. 11 მირკანი 1918-ს მუჩითუ ხე გედვინუშენ. 11 მბულორა 1947-ს ჶინდიქლი ჲადო ჯოხო გეიდვინუ დო იყუ ილჩე ემ თარიღის ნა რტუ ვილაჲეთი ჭოროხიშა. 1948-სთი იკიდინუ ბელედიჲეშ თეშქილატი. ვიწე იყუ მეკირელი რიზინიშა 27 წილვა 1953 თარიღის. ვიწეს უღუნ 22 ოფუტე. შქაგურონი ბელედიჲესთი უღუნ 8 მახალე. ხალკიშ ოსქედინუში ოდუდე რენ იფთინერი ჩაი დო თხირი დო ოკულე მციქათი არანძი, მახილობა, წკარიშ მახსულეფე, მაბუტკუჯობა დო მასქინდინობა. ვიწეს იხანდეფს ჩაიშ ოქთალაში გენერალური დირექტორობაშა მეკირელი ვიწეშ ჩაიში ჶაბრიკა, დოსან, დოღუჩაჲ დო ოჶჩაჲიში ჶაბრიკაფე. ქორენ ნანჭინეროთ 2.500 მახაჩქალეში ოჯაღი. ხაჩქაში მოგაფა ეკონომიური რახატობას ნა ვარ დუბაღუნ შენი, ოხანდუშ წანურეფეში დიდოფექ იხანდეფან მადულჲე, მემური დო ესნაჶი სთერი ხაჩქაშ გალენი სფეროფეს. არ წანაში დოლოხე ნანჭინეროთ 32 ვითოში ტონი შუჩაი, 750 ტონი ხომულა ქერცელონი თხირი, 1.350 ტონი მჟა, 60 ტონი ხორცი, 200 ვითოში მარქვალი, 10 ტონი თოფური იმრალინენ ხაჩქური დულჲაფეშენ. ჩოდინა წანაფეს ქივიში ომრალუ გუშიგზენ ალტერნატიურო. ნანჭინეროთ 40 ტონი ჩქვადოჩქვა ჯინჯონი ჩხომი იჭოფინენ ზოღაპიჯური მენჩხომობათენ ხოლო არ წანაშ დოლოხე. კართა ოჯაღის ნა ანჭენ ოკონტალერი წანური ხაჩქური მოგაფა რენ ნანჭინეროთ 1.500 ლირა. დიდოფეთენ ჟერსეჲიში მეტისი 1.500 ფუჯი, 700 სვალონი ფუჯი, 1.600 მჩხური-თხა, 3.000 ქოთუმე, 3.500 ჶენური დო 500 პრიმიტიური ბოგინა ქორენ ვიწეს. ხაჩქაში სფეროს ნა იხანდეფს არ თხირიშ ხაჩქაში გამაჩამუშ კოპერატივი, არ ხაჩქაშ კრედიში კოპერატივი, სუმ ჩაიშ მახაჩქალეფეში კოპერატივი დო ვით ოკიდობაში კოოპერატივი უღუნ ვიწეს. ჩაჩხაშ დღას დიმფინენ არ ბაზარი, სო ნა გამიჩინენ ოჭკომალეფე დო ხილაფე ომრალერი სვალონი ხალკიშკელენ დო ხვენერი მალეფე გომარგვალური ესნაჶიშკელენ. 2008 წანას ხვენერი გენერალური ნაკონობაშ ცხუნათენ, მთელ ნაკონობა რენ 15.801. შქაგურონური ნაკონობა უღუნ 9.803 დო ოფუტური ნაკონობათი უღუნ 5.998. ვიწეს, რიზინიში უნივერსიტეშა მეკირელი პროჶესიალური მაღალიდოგურონი, არ კლასიური ლისე, არ კომერსიული პროჶესიალური ლისე, არ ინდუსტრიაში პროჶესიალური ლისე, არ საღობაში პროჶესიალური ლისე, სუმი ოფუტეს (არილი, ჩაღლაჲან დო სუმერ), ოთხო შქაგურონის (11 მართ, აშაღი შაჰინლერ, აქსუ დო შეჰით ჯავით ქოროღლუ) გეჭკაფურონი ნწოფულა გედგინ. გეჭკაფურონი ნწოფულაფეს ნა იგურაფს მამგურეფეში ნაკონობა რენ 2.131, ლისეფეს ნა იგურაფს მამგურეფეში ნაკონობა რენ 641 დო პროჶესიალური მაღალიდოგურონის ნა იგურაფს მამგურეფეში ნაკონობათი რენ 99. 1990 წანაში გენერალური ნაკონობაშ ცხუნაში ჩოდინათენ, ხალკიშ ოშიშენ 52 გეჭკაფურონი ნწოფულაშენ; ოშიშენ 21 ლისეშენ; ოშიშენ 7-თი მაღალიდოგურონიშენ დიპლომა ეზდიმერი რენ. ვიწეში ტურისტური სვალეფე აშო რენ: ვიწეში შქაგურონი მეჩეთი, ოფუტე მეჲველიში მეჩეთი; ჩაღლაჲან მუსთაჶა ხაჯალოღლუში ოხორი. გოლაფე მუში: ვადი ჩაღლაჲანის გურჯუდუზუ ჯოხოთენ ნა იჩქინენ სვაშენ ჟილენკელე ფაჰსალარ, მეშე, ჩათაქ, ჩამლიქ, სირთჲაჲლა, თაშჲაჲლა, ოქუზბოღან, ჩორ დო თაშ ჯოხონი გოლაფეშა მენდილენ. არილი დო სულაქ ჯოხონი აბჟაფეშ მორგვალისთი გოლაფე ქორენ. ენთეფეშენ არ თერითი რენ დიდი მაღალობა ნა უღუნ გოლა ზუღუ. 1952 წანაშ კულე ჩაიში ხაჩქაშ გეჭკუთენ, ხალკიში ეკონომიური მენჯელი ქომანძინუ. ზოღაპიჯიში გზა გუინწკუშ კულეთი გალე კალა ართიქართობა დირდუ. ოფუტარი ხალკი რენ ოხონკანონი. მონჭინორას მუში ყონას, ბაღის, ლივადის ნა იხანდეფანფექ ყინორას ნოღას სქიდუნან. ვიწეში შქაგურონი დო არ ოფუტე გელადგინ ასჶალტი გზას. 22 ოფუტეშა ართიქართობაშ გზა ნა მეჩაფს სუმი გრუპური გზა რენ ასჶალტი დო ბეტონი. გრუპიში გზაშენ ნა ოკუიწკენ ოფუტეფეში გზალეფეთი რენ ეშო-აშო ბეტონი დო სტაბილიზერი. ოფუტეფეშ გზალეფეში მთელოთ გინძენობა რენ ნანჭინეროთ 185.000 მეტრე. ვიწეში შქაგურონის, 5.000 ხატონი ავტომოტიური დიგიტალი ტილიჶონიშ სანტრალი ქორენ, ნამუში 3.000 კონარი იხმარინენ. ოფუტე ჩაღლაჲან, სუმერ, არილი დო სულაქის უღუნ 500 ხატი კაპასიტონი სანტრალი. მთელ ოფუტეფეს უღუნ ელექტრიკა. ვიწეში შქაგურონის უღუნ კანალიზასიონი, ნამუქ ნა რენ უდობაღინე დო ბურმელური. ოფუტეფეს უღუნ კანალიზასიონი დო ჶოსეფტიური ბეჯითი პრობლემა. ვიწეს ქორენ გუატრიშ გოშოგორაში დო ოკაუში შქაგურონი, ჭიხოტკაშ ოკვაკიდუში დისპანსერი დო საღობაში ოჯაღი დო ემუშა მეკირელი შქვით ოფუტეს უღუნ საღობაში ოხორი.