ხელაკაობა

ანდღანეი დღალეფე,
შილჲა გაყვას ცას იეხთი,
აწიშა ღურბელის ტი-ნა
ჩქინ აქ ვორეთ, ქაგეხთი.

ხელაკაობას გძირა,
ფიმფილი ფუქირონი,
დღა გინძე გაყვას ორა
ლაზონა გოკვიონი.

ხელაკაობაში ფთქვათ,
ხელეი ძიცინერი,
ოკოვაკნათ ხე-კუჩხე,
მხუჯეფე თირთინერი.

შური უბარი ნენას,
მუკო ჭიტა გინონ ტას,
ხელაკაობა შენას
იშენას, იმურუცხას.

ხელერ-ძიცინეი ტა
მჯვეშ ხალეი დოჭვეი,
ღორმოთიში ყოროფას
გუი ეწადგინეი.

 
© 2006 კოლხობა.ორგ