თუ შქურნა გალე..! ბერეგემშქიდალე თუ შქურნა გალე..! ონწელიშენ გალე ბუნდური დომწოფხეს კოჩიშ მენდრალე ქალე! თუ..! თუ..! თუ..! თუ..! თუ შქურნა გალე..! დო ჯინი დო ფერი ჭინკა, დუუ განგა! ირიში შქურინა ქომიღუნ პანდა ქჩინკოკარი გამაღურას თი სქანი შქურნათე დობიკოკარი ქალ მუნ ორტუ მინ ორტუ სო რტუ! სოლე გოლახთუ ჩქიმდენ დიდი რენ-ი! ვანა წუტა ვარ მემაწილუ უშქურინუ არ ხიტიპი დანძონ შუკა სქან უსთუნე დიდამანგისა თუ..! თუ..! თუ..! თუ..! თუ შქურნა გალე..! ქალე! თუ შქურნა გალე..! მუ შქურნა ბერეფე, მუშ შქურნა გალე..! საპუ, კიბორი სერი დო ნდღალერი კაპკაპი ბგორი ელლუღუნ ქჲორი, ელუღი დო თორი ოხორ გომთუმანი ოჭვეთელა მთელლი გალენეფეშ სუჶრა სი… ვარ დონჭკვალიშა ვაშა ღოჯის ნოფსი თუ შქურნა გალე..! ქომშუნს ქომშუნს მორო მუ შქურნა გალე..! დო ჯინი დო ფერი ჭინკა, დუუ განგა! გოწიმტით ჩქვა! ოჭვეთელას დოფსუმ ჰანდღა მადოგურეშ ხეფე არის სვარა დო ჯიფი, მაჟურას ჭეფხე ჰაწი ჯუმადობასთი ხოლო ემკუთინეი ქოფხე ჩქვაშენთი, ჩქვაშენ ნუკუ ბიგური ირ დულჲა ჭეფხეთე დობიგური. პანდა ნუკუ ბიჩუმე ირ შეჲი ნა მიღუნკო ნოსითე გობიჩუმე. ჯოპი, ტოპი, ჶალაკა გეჭეი დო მეჭეი ინზიბატი, ფოლუსი კუდელ ხირხითი, თი მანგანა კომონისი, ანაფშიტი, ტიტი… გამაღურაზ თი სქანი ტიტი თუ..! თუ..! თუ..! თუ..! თუ შქურნა გალე..! გურიზ შქურნა კაპინეი ემკუთინერი მუფე მუფერი ჰემუშენი ბორე-ი პეჲა ბერეფე ქუნი ფურფერი!? თუ შქურნა გალე..! ქალე თუ შქურნა გალე ირ დულჲას ჰექოლე ირის მენდრალე ოკენკელეს გოლომოსვარათ ნათი ოჭვეთელას ელემოსვარათ ნათი ნუკუს პიპეი გოლომისვაააათ ნათი შური ჩქიმი შინახუმთ ნა ა სონთხას გჲაჯინით სო არ შვაჯის ქოგამახთას გეჭეი დო მეჭეი თუ შქურნა გალე..! მუ შქურნა ბერეფე მუშ შქურნა გალე..! დო ჯინი დო ფერი ჭინკა, დუუ განგა! ირიში შქურინა გობიხვი ჰანდღა. 18 ზემფერი 2006   © 2009 კოლხობა.ორგ