ჩქიმი სთეი სო ძიროფ ქომოხთი შურიმშინე, ლიმჯი შკულე მჟორა რაკანის გოლვაქთაში. ეჩ წანა რენ ელაფხერ დო სი ქჩუმერ, ქომოხთი გჲული ჩქიმი, ნცას მურუცხი თუთა კალა ქეხთაში. ვამოხთინა სინ პოტეს ვაიხელეფ, მა უსქანელი დო გემზული ქოვორტაში. უღნოსე ნანა სქანი ქვა დო ნჯათენ მათხოზენ. ოხთიმუშ გზაფე ბგორუფ, სი გომანჭელა დო მას ქანდა მევიტაში. უნკაპი დო ქომოხთი შურიმშინე. ვარნა მუთუს ვაირგუნ ხე კუჩხეს ქამებლაში. ქომიჩქინ შური ჩქიმი, ჩქარ მუთუ ნავამიღუნ. მა მუთუ მუ პამინონ სქანი კალა ვორტაში. მეთიჲელი კუჩხეთენ სინ ჲუქი ჩქამუ გაყვე, ბაბა სქანიშ მულქი დო არაბას გეფხედაში. ქომიჩქინ დოვიბადი, არ ჭიტა ძაბუნითი ქოვორე, მარა სინ გომაშინე თის ნოსი მომიხთაში. კაპულა ვამემიქთა, თი კეპა, ქორბა გუდა, კუჩხეფეთი ტეტელი, კიბირი დო თომათი დობღეი ქომძირაში. არ ხე კალა არ თოლითი ვამიღუნნა მუ იყვენ, სინ ჩქიმი გური შენი ჭამი სთეი ქორტაში. არ თოლითი ვამინონ, ხე კუჩხეთი დომაყვე ეშო დიდო გინტაში. ჩქიმი სთეი სო ძიროფ შურიმშინე, ხელებათენ დიდელე სინ ჩქიმდა ქომოხთაში. 21.06.1994   © 2006 კოლხობა.ორგ