ხათუნაში დესთანი ჲოჲი დადი მუ მსქვა ბოზო გიყონუნ. ხეს გჲაკნეფ დო სინ ეშო გოგიყონუნ. ემუშ მეტი მან მითი ვარ მიყონუნ. უმითელი სო ვიდა დადი ჩქიმი. მან ხათუნას დოვუჭარი დესთანი. ვაყოროფი ემუს დოვაკისქანი. მან ქომომჩი მუ იყვენ ბოზო სქანი. სოთი ვარ ჲა ვარ დოთქვა დადი ჩქიმი. ბოზო სქანის მან პოტეს თოლი მიღუნ. მალი მულქი მუ უნონნა ქომიღუნ. მაწკინდი ქევუჭოფი ჯებეს გომიღუნ. აშო სიჯა სო ძიროფ დადი ჩქიმი. მოთ მიმფულუფ მსქვაელა ბოზო სქანი. რაზი დიყვი ჲეგიჭოფუფ თიკანი. ასთახოლო დოვუხვენუფ ნიშანი. სინ დამთერე დომაყვე დადი ჩქიმი. ბოზო სქანი მან მუშენი გომამტენ. ონჯღორითენ ნენა მუში დოლვამტენ. ხეს გევაკნეფ გოწამისთუნ დო მამტენ. არ ჟურ ნენა ქელოთქვი დადი ჩქიმი. ხათუნაში თოლეფე ზოღა სთეი. მან არ მითი ვარ ბძირი ემუ სთეი. დიშქა იჭვენ დო სქიდუნ ხვალა მტვეი. ქომემადუ დოვიჭვი დადი ჩქიმი. მან ბუტკუჯი იჲა ფუქირი სთეი. უმსვაელი არ მელაეღი სთეი. ხე მენთხაში დონთქირუნ გჲული სთეი. ნოსის ვულუ მოვულუ დადი ჩქიმი. ხათუნა მეტაკსიშ თომათენ გულუნ. მუჭო ფუქირობას ფუქირი ჲულუნ. მან მძირაში გომაქთენ დო მინდულუნ. სინ ამ ბოზო სო ძირი დადი ჩქიმი. ჲოჲი დადი მან მუნდეშა ვიმგარა. გური ჩქიმის ქომემიძინ ფანგარა. ბოზო სქანის მუნდეშა მევამგარა. სინ მუნდეშა გოხრეწა დადი ჩქიმი. 22.12.1994   © 2006 კოლხობა.ორგ