ლაზური გებირა ბიჭი, სააზ ნა ოსთერამ, ჟუროში წანას სქიდი! სქანი გურიში ჭანდინაქ დერდ დომიხენუ დიდი. ე ჯუმა ქემენჩეჯი, მა კწოფხარე ზენგინი, მსქვა ბოზოფეში ორთას ქოგელემიჭანდინი! ბირაფა ჰაწი გიწვარე, გური სქანი გიჭვასენ, ბირაფა ჩქიმიქ კარჶი სთერ ღოჯის მეგოჭკადასენ. გეჯგინაში ობირუს მა მენჯელონ ვა ბორე. ამა ნა რენ, ხოლ გიწვა: თი გიღუნ მბოში ორე. ბირაფა ჰაწი გიწვარე, უჯ გონწკი, გაგნაფინას! ბირაფა ჩქიმიქ კინჩი სთერ ჰაქოლენ გოკაპინას! მა სი დიდო ჶარა გიწვი დო ჰაწითი გიწუმერ: კოჩის სი ჰიჩ ვა ნუგამ, რე გოშუვერ ქოთუმე! ე მჯვეშ ბირა გეჯგინაში სი ბაშქაფეს უბირი, სი ჰაქ აღან ბირაფათენ ღნოსი სქან ქომოწირი! ჰაწ ორძოს ნა გეფხესთერ ლეტას გოშობილატი დო ე სქანი ნენაფე კო პოტეს ვა ბოგნატი! იჲჲაგვალი ბიბირომ, ფუქურ სთერი ფუქურომ, მა ნა გემოჯგინასენ, სოთი მითი ვა ბძირომ. კამაქ მუშენ ვა კვათუმს, პეჲა ნუკუ მაბღუი? ბოზო სქან მოთ ვა იბირს, კიბირეფ ქოდაბღუი?   © 2008 კოლხობა.ორგ