ლება მო გაჲეტას
ჩაჲი ქვა ელაპტახი
მა გური მოჲ მიტახი?
სი ჰიქო დო მა ჰაქო
ვაბორეთი ჯუნახი ?
ანდღათი დომილუმჯუ
კიჲამან მამულეფე
პოტე ვა გომოჭონდრუნ
ეველური ნდღალეფე
ლივადიშა მენდიტი
თი კაზი გოკორერი
ოხორიშა გიგთეტი
ტიკინა მობუმერი
მა ისინაშა ბულურ
ნჯული ქელემაკათუ
აკუ წოხლო ნა ორე
ღორმოთი მუ გიკათუ?
ღომა ნა ლება გავუ
ნანა სქანი ბეჟღუჲი?
ჰიმ მსქვალინა თოლეფე
ღორმოთი სი მექჩუჲი ?
ნჯული ლეშქეფე სქანი
ნეძი ტუტული სთერი
მოხთი ქოგომაკორი
მუჭო წიწილა სთერი
მა სქანი ოროფათე
ომჭოფუ ობგარინუ
ბო აკუ მსვალიკინა
ბო სი მი დოგორინუ ?
13.03.1998
| 