დიდი აბჯა
დუთხეში დიდი აბჯა
იროთე ნა ჩაშხალამს
გური დოლომიწედი
სქანი შენი ფათხალამს
აბჯა აქრა ფოღარი
ნჯული სი გოგაღარი
ნა გინჭარი ქარტალი
პრი კითხისი მოჲ ხარი
ელა ნჯული მეჯიშა
თუდე აბჯა პიჯიშა
ხე სქანიშა ა ოფშვა
წალენი ფოღარიშა
ენცვი ე მპულა ენცვი
აშქვა ჰაქო მო მულურ
მა ხაზი ვა მაჲერენ
შქიმისუზი ნა გულურ
ენცვი ე მპულა ენცვი
მელე მეჲოფწედარე
მითი მითი მო ნოწერ
სი მა მემოწედარე
ენცვი ე მპულა ენცვი
ჩოჲი დოლოფწედარე
ქჩე მანდილი ქოჯითვი
მა სი ეკაკწედარე
მა აბჯაშა ჯებულურ
მეხთანა გიჲონდრარე
ანდღათი ვა მოხთა ნა
დობხედა ბიბგარარე
20.05.1991
| 