ოფუტე შქიმი დუთხე მა ნა დობირინი ოფუტე შქიმი დუთხე სქანდა მენდრა ბორე მა პოლი ბორე მენდრა დობსქუდი სქანდა სი გიჩინდრარე დო მოგიღარე დეჲი მოჶთი პოლიშა ნაკუ წანა იჲუ ქოგიშქუნ ვა მემალენ სუმ წანაში ხუთ წანაში არ მემალენ ხე დო კუჩხე დომიკორუ პოლი დიდო გომაუ, დიდო გომაენ ირი სქანი კოჩეფე სქანი, ბერეფე სქანი ფუჯეფე სქანი, ლივადეფე სქანი ჯერმაფე სქანი, გზალეფე სქანი ნგოლაფე სქანი, რაკანეფე სქანი ბერე ბოტიშა ნა ბიმჩირტი აბჯაფე სქანი მპულაფე სქანი, მჭიმაფე სქანი არ თუთა დიჲენ დო ნა ვარ იძირენ მჯორა სქანი მჯორა სქანი არ თუთა ნაკუ ჶარა გაძინ მზა ვა გაძინ მპულათე დიდო აოროფენ ოფუტე შქიმი მპულა დო მჭიმა ვა ნაშქუმან პოტე ვა ნაშქვალინენან, შხუმან, მბონუმან ოფუტე შქიმი გომაშინასი ბერებურაში ეშოფე შქიმი გური ქოხომაკენენ ნა მიღურუ ეშეფე შქიმი აბაზაში ოსმანი მემოღლი რიზა ტუხინა ილჲასიში ჶევზი ხალიკანური ებაში ნეზმი კრუ ჰელიმიში მეჯიდი მოკიკი შაბანი ალი ეჩა ნდღალეფე ბერე ბოტიშა პალიკარი ბოტიშა ნა გობიტი დიხაფე დიდო გომაუ ჯელაჲესქური, ჩუმაჲიდა, ჭირინა, ზენდი, მტახორი, ხალიკანა, უმჯორე მუხუდონი, ხოკვათი პოტე ვა გომოჭონდრუ ვა გომოჭონდრასენ ნანა დიხა, შქიმი ოფუტე 10.01.1996   © 2009 კოლხობა.ორგ