|
ART FİLMİ: K'ANDAHARİ
K’andahari vana Tutaş Uk’açxeni Mjora: K’andahari (Safar-e Ghandehar do The Sun Behind the Moon), 2001 3’anaşi İrani-Frangis oşkari noxvene Mohsen Maxmalbafişi filmie. Filmişi vaxti Afganistanis, Talibanişi devres golulun. Nafasik namut gecgineri art Afgani-K’anadalik, ocaxi muşişen imt’ert’uşi Afganistanis meşkveri da muşişen mileniumişi çodina mjoraşi om3’k’upanuş oras dudi meviqvilaminon yado kart’ali nunç’uşaşi Afganistanişa uk’unikten do Nafasis ekonaşis muepe naç’aren. Filmişi senario, namut Nafasi osağups Nelofer Paziraşi skideri mtini art oğoda esasi xveneri iç’arineren. K’ismen mtini k’ismenti nosimadee.
Filmi didote İranis, kimi k’ismepe muşiti mpulero Afganistanis eşiğinu. Nelofer Pazirak do dido masağalek dudi muşi osağu. Gala muşi iptinero 2001 3’anaşi Cannes filmişi fest’ivalis ixvenu. Mara 3’oxle dido var ik’uin3xu. 11 St’aroşina 2001 tarixişi nank’ap’aşk’ule umosi dido o3’k’omiluşi imkani z’iru. Filmik, 2001 3’anaşi Cannes filmişi fest’ivali ok’oç’işuşi burme resimuri 3xuna do Ecumenical mukafati k’ala Selanik’i film festivalişi filmiş matenk’idepeşi mukafati mogu. Edoxolo, Maxmalbafik am filmite, 2001 3’anas Unescoşi Federico Fellini mukafati mogu.
Maktale: Mohsen Maxmalbaf; Senario: Mohsen Maxmalbaf; Z’irapaşi maktale: Ebrahim Ğafori; Musik’a: Mohammad Reza Darvişi; Masağalepe: Nelofer Pazira, Hassan Tantai, Sadou Teymouri, Hoyatala Hakimi; Dobadona muşi: İrani-Frangia; Nena muşi: Farsuli, İnglisuri, Peşturi, Lehuri; Ora muşi: 85 deik’e; 3’ana muşi: 2001.
|
TÜRKÇE
