|
LAZİ MUHAMMEDİ
Raxmetoni M. Recai Ozguniş k’elen na iç’arinu Lazi Muhammedi coxoni romani, gamamçkumala Chiviyazilarişi seria Mjoraş k’elen 2004 3’anas Mp’olis gamiçkvinu. Svaraşi t’eknik’uri dizaini Grandis İletişim, motragaleşi dizaini Ozcan Sapaniş k’elen ixvenu. Lazi Muhammedi, maç’areşi gamaçkvineri maanşani svara ren.
Arkabişi oput’e Baxtaşen Muhammed Ar3’aşis, berobaşi 3’anapeşen doni maşupxe do m3ika p’aradoksuri xasieti uğuntina guroni ar vatanperveri ren do didoti gururoni k’oçi ren. “K’oçi na dibadu let’as nungaps” notkvaleşa moxveri Muhammediti Lazonaşa nungaps. Lazonaşi let’aşa, 3’k’arişa, t’aronişa, geografiaşa… Let’a dido na qorops dulyamxvenu, xirsoni, macedele, menceloni, go3’oncğoneri ar xasieti uğun. Na skidut’u oraşi oxokteri xalis 3’oxle çetepe k’ala ok’vak’idu, Rusias tutumişi madulyoba, dobadonaşa uk’uniktinu, Na3ionaluri Moşletinuşi K’abğas k’ortaşi nodgitinuşa memxvacu. Emuşk’ule Topali Osman Ağaşi Ank’araşa oxtimuşi teklifiş oreddu do na n3’irupt’u meç’ireli xalepek na yuçkindu astimişi k’rizepe do am sebebişen oğuru.
Svaraşi k’ap’ulaşi motragales; “Am svaraşi but’k’apeş doloxe, Uçazuğaşa maqorope, edoxolo emuk’onari guroni milioni Lazişen ar teri na ren Muhammedişi skidala şinaxeri ren… Mara am skidalaşi ist’oria, majura skidalapeşen imtiazoni do oxo3’onapu mecburi na 3’opxups mutxani, Muhammedişi çkar sotxanis na var itkvinu do na var iç’arinu destani steri p’iraloba ren… Edo xolo Uçazuğa, Lazepe do Uçazuğas na iskedinu p’iralobaşi gayriresmi tarixi… Mtini oğodapeşi jin ge3’opxeri am oxo3’onapa, goşogoraşen mele ar ist’oriuli romani ren…” yado ç’ars.
Ok’vanduş t’ilifonişi nomera: 0216 414 91 13
|
TÜRKÇE
