|
P'ROFESORİ GEORGE ELİAVA
George Eliava dibadu 13 3’anağani 1892-s, oput’e Saçxeres Gulva Okorturas. Doçodinu Novorosisk’iş Universit’eşi Medi3ianaşi Fak’ult’e 1909-s. Dip’loma aqu emus Jenavaşi Universit’eşen 1912- 1914 3’anapeşi şkas. 1916-sti doçodinu Mosk’ovaş Universit’eşi Medi3ianaşi Fak’ult’e. İqu dudmaxvence T’amt’raşi Bakt’eriologiuri laborat’oriaşa 1916-s. George Eliava rt’u dudmaxvence Tbilisişi Bakt’eriologiuri laborat’oriaşi 1917-s.
1918-şen 1921-şakis do xolo 1926-şen 1927-şakis ixandu P’ast’orişi İnst’ut’is, P’arizis, so na içinu P’rofesori Feliks DHerelle. George Eliavak gedgu Bakt’eriologiuri İnst’ut’i, 1923-s. Am k’idala içinet’u Mik’robiologiaşi İnst’ut’i. Edo George Eliavati rt’u muşi iptineri direkt’ori. George Eliavas guri napatkalu DHerelleşi originaluri simadapete 3adaluri medi3ianaşi speros. Çodinas, abja Mt’k’varişi marz’ğvani k’ele na geladgin vitoşkviti hekt’aroni let’a niçinu inst’ut’is, 1926-s. Aya rt’u iptineri inst’ut’i gedgimeri Sovieturi dobadonas, bakt’eriofagepeşi speros. Aya p’rogramaşi noğira rt’u bakt’eriofagepeş odulyobapeşi kianaş şkaguroni oqopinu. Hemi çkinaburi hemiti indust’rialuri speropes, k’arta ç’eşidi k’linik’uri odulyobapeti noğirapt’u.
1927-şen moç’k’ate George Eliava rt’u dudmaxvence Tbilisiş Oxen3aluri Universit’eşi higienaş kursişi. 1929-şen moç’k’ateti George Eliava rt’u dudmaxvence Tbilisiş Oxen3aluri Universit’eş Medi3ianaşi Fak’ult’eş Mik’robiologiaşi kursişi. Geidginu ğurz’ulişi şkaguroni Tbilisis, muşi go3’oncğonerobaten 1934-s. P’rofesori George Eliava niç’opinu xe3alaşk’elen “xalk’işi mt’eri” na rt’u idiaten. Edo go3’ik’idinu 1937-s.
|
TÜRKÇE
