|
KORTUPE (THE GEORGİANS)
Gamaçkvaloba Ceylanişi, seria K’avk’asiaş maartani svara Kortupe (The Georgians) 1997 3’anas Mp’olis gamiçkvinu. Seria “Mcveşi Xalk’epe do Dobadonape”şi doloxe, P’rofesori David Marshall Langişk’elen na iç’arinu svaraşi edit’oroba Fahrettin Çiloğlu, İnglisurişen goktinu Neşenur Domaniçişk’elen ixvenu. Svaraşi doloxe; Generaluri xususobape do moç’k’aşi cincepe, Lincişi do bronziş ora, K’abilepe, efsanepe do magzalepeşi p’aşurape, K’avk’asiaşi İberia do k’lasik’uri orapes K’olxida, Kortuli feodaluri monarkia, Ordoneri şkaoras mimaroba do sanat’i, Ç’araloba do çkina steri burmepe ren.
Svaraşi k’ap’ulaş but’k’as: “Antropologiurot Kortupe, Svanepe do Margali-Lazepe k’ala “P’ont’o-Zagrosi” yado na icoxinen grup’iş doloxe renan do P’alaeo-K’avk’asiuri xalk’epeşi ocağiş doloxe oşkenduri st’at’u uğunan. Debetsişi toliten moderni Kortupes, jur şilya 3’anaş doloxe fizik’uri z’irapa mutepeşi dido aktiresnati xoloti brak’isefali varna hip’erbrak’isefali renan. Kortupes didote mskva, xçe do peroni oxokteri t’k’ebi uğunan do skit’ape uxuktunan nati didopete uça tomoni renan. Didope ç’uburişperoni do 30% k’onaristi cğat’a-gri toli uğunan. Kortupes generalurot ginz’e, mçxu, atlet’ik’uri do menceloni xura uğunan. Kartli do K’axetişi eyalet’epeş adamepes mok’irk’e çxvindi, mağala do mçire qva uğunan, Gulva Okorturas mç’ipe çxvindi umosi dido iz’iren, akonuri fizionomi, Omjore İt’alia do Grek’iaşi adamepes na uğun Xçezoğaşi nunk’us nungaps. Kortupes, masumani şilya 3’anaşi Hindu-Avrop’aş fakt’orepe oxvaktes do naqoneri orapes İskitepe do K’imerepeşi istilape, Miletosuri Grek’epe do emuşk’uleti Arabi, Moğoli, Turki do Farsi maişgalepeşk’elen itesirines nati, K’avk’aisaşi do omjoreyulvaş k’elendo meç’aberi svaloni xalk’epeşi meqona yado işinenan. Kortu xalk’işi sosialuri skidalaşi cinci Hititi, Urartu do Asurişi p’eriodepeşakis nunç’uşun mara am noğarobape gondunu nati Okortura, andğaneri dğaşakis menceloni kodoskidu” ya ç’ars.
Ok’vanduş t’ilifonişi nomera: 0212 519 70 93
|
TÜRKÇE
