DUDBUT'K'A

ŞUMERİ LAMA

Lama ren Camelidae (Devenuri) familiaşen. Oçildre Amerik’as, P’eruşi oçildreşen geç’k’uten Boliviaşi gulvaşen, Argent’inas Catamacaşa do Şilişakis t’erit’oria ren muşi nanadobadona. 2 şilya 300 - 4 şilya met’re mağalobas na geladgin svalepes askedinen. Oçildre Amerik’aşi germa do jvaritipepunapes skidunan artot. Mt’k’uri ren. Mşkironeroba do u3’k’arelobaşa dido naxondinen. Lamas guri muxtaşi, o3’iraps muşi reak3ia onç’k’valuten ti-muşis na nodgitun mitxanişi nunk’us. Buz’iloni ren. Skidun nanç’inerot 20 3’anaş morgvalis. Mzgudamoç’k’omaluri 3xovari ren.

Lamas uğun 1-2 met’roni t’anmağaloba didopeten. 15 sant’imi ginz’enobas ren muşi k’udeli. Muşi mxuci ren 1-2 met’re mağalobas let’aşen. Monk’anoba muşi iqven nanç’inerot 70-140 k’ilo. Narini ar xura uğun emus. Ginz’e ar qali do ginz’e mç’ipe t’rik’epe uğun. Muşi dudi ren ç’it’a. Emus uğun ginz’e ar çenge, ginz’e qucepe do k’op’a tolepe. Muşi t’k’ebi ren vamskva do mont’k’oroni. 3’unaşi qali do t’rik’işi bundğape renan mk’ule.

Mariaşina do St’aroşinas imzik’en. Lamaş jurşuronobaşi ora ren 12 tuta k’onari. Dorinaps ar motali. Nana muşik mja o3’u3’onapaps ağandobaderi motalis otxo tutaş morgvalis. Lamak geç’k’aps omralus 2,5- 3 3’aneri iqvaşi.



                                                                                                                                                              TÜRKÇE