|
TURKİAŞİ XALK'İ EKSP'RESİ T'RENİK NUNÇ'İŞİNASUNON
Eksp’resi t’reni, ar saat’is 200 k’ilomet’roşen mağali surat’i na axvenen t’renişi ç’eşidi oqopinot k’abuli ixvenen. 2008 3’anaş doloxe oçodinu na ip’laninen Ankara-Mp’olişi eksp’resi t’reniş p’rojes ar saat’is 250 k’ilomet’ro surat’i na axvenen am ç’eşidi t’renepe ixmarasunon. Eksp’resi t’reni şeni moxtasneri vitojur 3’anas nanç’inerot eçi milyar dolari na ixarcasunon Turkias, Ankara, Mp’oli, K’onya, Eskişehir, İzmir, İzmit, Uşak do Afyonk’arahisarişi oşkendas umosi mk’ule oraloni nunç’işoba ixvenasunon. TCDD (Turkiaş Resp’ublik’aşi Oxen3aluri T’renişgzalepe) şen na iç’opinu çkinaşi toliten, çodinaşi 3’anapes eksp’resi t’renişi speros didi dulyape na qu Turkiak, xolo am speros dido p’rojepe oxvenus naqonops. Eksp’resi t’renişi speros kianas iptineri ovro tereşi doloxe oqopinu na noğiraps do çodinaşi sum 3’anas t’renişgzaşi speros beciti xandape na ixvenu Turkias, moxtasneri vitojur 3’anas nanç’inerot eçi milyar dolaroni oxarcu ip’laninen.
Xususurot noğaş doloxeni do noğapeş oşkendoni t’rafik’is na iskedinen p’roblemepe, gomorgvaş pintobaşi omonz’inu, benziniş pasişi omağalinu steri sebebepek eksp’resi t’reni dido oxavesonaps. Dido 3’anaş 3’oxle eksp’resi t’reni na oxandapu terepeşen Jap’onias eksp’resi t’reniten ar 3’anas nanç’inerot 260 milyoni magzale, Mosk’ovaşi metros ar ndğas 10 milyoni magzale, Nevyork’işi metrosti ar ndğas 7 milyoni magzale ninç’işinen. K’inaşi mosapeten na işu Anatolias 50 3’anaşen doni seriozuli ar invest’iment’i na var ixvenu şeni t’renişgzaşi ginz’enoba 8 vitoşi 500 k’ilomet’ro k’onari ren. Am ginz’enoba Amerik’aşi Ok’ont’aleri Oxen3ales 212 vitoşi, Rusias 95 vitoşi, Germanias 44 vitoşi k’ilomet’ro k’onari ren. Amuşeni t’renişgzaşi speros na ixvenasunon invest’iment’epes ora ugondinu dvaç’iren.
Turkias ok’idus na niqoninen eksp’resi t’reniş p’rojepe içodanşi, mesela Anatoliaşi oşkendas na ren K’onyaşen Mp’oli, Ankara, İzmir, Eskişehir, Uşak do Afyonkarahisari steri noğapeşa nunç’işu umosi perpu do manişa iqvasunon. Turkias ar gektala tkvala na ren eksp’resi t’reniten K’onyaşen Ankaraşa 1 saat’i do 15 dek’ik’eşa, Ankaraşen Mp’olişa 3 saat’işa ilinasunon. Eksp’resi t’renepes majura nunç’işobaşi mankanapeşen dido avant’ajepeti uğun. Eksp’resi t’reni k’ala putxaşi magzalobaşen umosi manişa ninç’işinen. T’renişi st’a3iape noğaş doloxe na renan şeni oxtimu umosi perpu iqven. Eksp’resi t’renepes oyanu do ononç’upe dido ç’it’a iz’iren. T’aronişi oğodapek dido var nodgitanşi t’renepeşi oyanuşa sebebi var aqvernan. Eksp’resi t’renepe majura nunç’işobaşi mankanapeşen umosi dido emniet’oni renan. Eksp’resi t’renepe elek’t’rik’aşi energiaten ixandepan, emuşeni gomorgvaşa zarari var meçapan do xolo uxonaroni oxanduten xonarişi pintoba var ikipan.
|
TÜRKÇE
