დუდბუტკა

ღურძულონი აკრეპი

აკრეპიქ (სჯორფიონეს) ტუცა დო ტენონი კორთაფეს სქიდუნ. მუში ხურა რენ გეთრაგერი კაპეტი კითინური არ ტაბაკათენ. კირკოლერი დო ჟინ ნა ჲულუნ მორგვალი კუდელი მუშის ღურძულონი ლემში უღუნ. მემცხვალური ტრიკონი რენ. ქვაფეში შქას, კიდაფეში ხუტულაფეს, ხომულა ნჯაფეშ ქერქეფეში თუდე დო ლეტას ნა ეშონთხორუფს დეხლიზეფეში დოლოხე სქიდუნ. მთვირონი კელეფეს ვარდო კართა კელეს იძირენ. ხვალოთ სქიდუნ.

ლატარული მაწკინდეფეთენ წოფხერი ხურა მუშის უღუნ სუმ ბურმე: დუდი კალა ოკონტალერი ტანი, ქორბა დო კუდელი. წოხლეშენ კაპულაშა ნა ირდენ, კუნწულეფე მუში ტკუბი ჩენგელონი ოთხო ტკუბი ტრიკი უღუნ ტანის. ტანიშა მეკირელი ქორბაში ბურმესთი უღუნ შქვით მჩირე მაწკინდი. თუდენუნკუში მაართანი მაწკინდის მეთრაგონი სექსობაში გონწკიმერობა; მაჟურანი მაწკინდის ნა მენწუფს დო ნოკუჩხენი ნა ძიროფს არ ტკუბი ოცხოჯი ორგანი; სუმ, ოთხო, ხუთ დო მაანშანი მაწკინდეფეს ოშვანუში ორგანიში თითო ტკუბი ოყოფინოთ, მთელოთ ოთხო ტკუბი ოშვანუში ხუტულა უღუნ.

ქორბაში ბურმეშ კულე, ანში მწულე დო მორგვალური მაწკინდითენ ეჩქინდერი დო არ ხუტალი სთერი ჯინიქიშა ნა აკირკოლენ კუდელი მუში, კირკოლერი ღურძულონი ლემში მუში ვარნა ქარმაგი ნა თირუფს ბარელი მაწკინდითენ იჩოდენ. აკრეპიქ იგზალაში, ეზდიფს მუში კუდელი ჟინდოლე. ზენი დო სთუნა ჟინუნკუფეშა ვარ ნამხუწენ. ხურაში ჩოდინა ბურმე კუდელი ოყოფინოთ იჩქინენ თინა მთინოთ რენ ქორბაში ბურმეშ ნა იმჭიფანენ გეგინძანერი.