დუდბუტკა

ანთიკური ორაფეს ჲულვა უჩაზოღა

აჰმეთ მიჯან ზეჰიროღლუში გინძე წანაფეშენ დონი მეყონერი ხანდაფეში ჩოდინაფეშენ არ თერი ნა რენ სვარა, ჩივიჲაზილარიში სერია მჟორაშკელენ 2000 წანას, მპოლის გამიჩქვინუ. ჰუსეჲინ დემირელიშკელენ გამაჩქვალაშა ნა იხაზირინუ სვარაში ბუტკაშ დიზაინი, ოზჯან საფანიშკელენ იხვენუ.

სვარაში კაპულაშ ბუტკას; “ურართუში ნოჭარაფეს კოლხისიში ოძირონეფე კალა ნა გეჭკუ გოშოგორა, ანდღანერი დღაშაქის თურქიას, კოლხაში მაფანობა შენი გამიჩქვინერი ირიშენ კაი ნოხვენე ხანდა რენ. ემ პერიოდიში ჩქინერი ოდუდეფე, მჯვეში გრეკური, რომაური დო ბიზანსური მათარიხეფეში, მაგოლვეფეში სვარაფეშ ოკითხუთენ ნა გეჭკუ გოშოგორაშ პროსესი, ემ პერიოდიში გენომსქიდეფეშა დო კოლხისიში ნოღარობაში სიქქეფეშ გოშოგორინუშაქის ნუნჭუშუ. ისტორია, ანდღა ნა გამათანუფს ილმი რენ ჲადო ნა აჩქინენფექ, მჯვეშორაფეს ჲულვა უჩაზოღას მუეფე იყვერეტუში კითხაშ ჯოღაბი მთელოთ ორიგინალი ოდუდეფეში ჩქინაფათენ იგურასუნონან.” ჲა ჭარს.

სვარაში დოლოხე; “ურართუში ნოჭარაფე”, “კოლხაში მაფანობა”, “კოლხაში სიქქეფეშ ბიბლიოგრაჶია”, “ჰიფფოქრათიში ფჰასიშ ნოტეფე”, “ხენოფჰონიში ნოტეფე”, “ფსეუდო-სქჲლახიში გეოგრაჶიური ნოტეფე”, “სთრაბონიში ნოტეფე”, “ფლინიუსიში ნოტეფე”, “არრიანუსიში რაპორი”, “ფთოლემუსიში ნოტეფე”, “ფროქოფიუსიში გოლვაშ ნოტეფე”, “აგათჰიასიში ნოტეფე” სთერი თემაფე ჭარელი რენ.

ოკვანდუშ ტილიჶონიში ნომერა: 0216 414 91 13