დუდბუტკა

“მეგრული სახელები და გვარები”

ჩინობერი მარგალი აკადემისიენი აკაკი ჭანტურიაში “მარგალური ჯოხოფე დო კერჯოხოფე” ჯოხონი ნოჭარე 2006 წანას თბილისის გამიჩქვინუ. გამამჩქუმალა არტანუჯიქ ნა გეჭკაფუ “კოლხური სერია”ში მაჟურანი სვარა ნა რენ ნოჭარეს მთელოთ 130 გვერდი უღუნ. სერიაში გენერალური რედაქტორობა, ისტორიაშ დოქტორი ბუბა კუდავაქ იქიფს. სერიაშ რედაქციაში გრუპი; თამაზ ბერაძე, ირაკლი გოგატიშვილი, გიორგი კალანდია, თეა კალანდია, გურამ კარტოზია, დიმიტრი ლეთოდიანი, დავით ლომიტაშვილი, ირიანე ჭანტურია ჯოხონი ადამეფეშენ წოფხინერი რენ. გამაჩქვალაში გრუპი ეთერ ბაიდოშვილი, რომან დანელია, დარეჯან მზარელუა, ილია ხელაიაქ წოფხუფს.

ოქორთურაშ ილმეფეში აკადემია, არნოლდ ჩიქობავა ჶილოლოგიაში ინსტიტუტი დუდარი ნა უღუნ სვარაში ამახთიმონის, აკაკი ჭანტურიაში ბიოგრაჶია დო ირიანე ჭანტურიაში ჭარა გეძინ. სვარაქ მაკითხალეფეშა, 1940 წანაში გეჭკალას, ნიკო მაარ აკადემიაში ნენა დო ისტორიაშ ინსტიტუტი დო აკაკი ჭანტურიაშ ოშქენდას ნა იხვენუ აქტი კალა ზუგდიდიშ ლოკალური ჩქინაფეში მუზეუმიშ დირექტორიშკელენ ნა იჭარინუ მარგალური ჯოხოფე დო კერჯოხოფე ოკითხაფაფს. სამარგალოში; ანაკლია, ახალი-ხიბულა, ახუთი, დარჩელი, დიდი ნეძი, ზუგდიდი, კახათი, კირცხი, ლედგებიე, ლეწურწუმე, ლია, ნარაზენი, ნიკოსია, ობუჯი, საჩინო, საჩიჯაო, ტყაია-ბეჟაში ღალ, ქარიატა, ყულისკარი, შუა ხორგა, ცაიში, ჭაქვინჯი, ჭკადუაში, ხიბულა, ხობი, ხორგა, ჯახაშკარი ჯოხონი ნოღა დო ოფუტეფეშენ კორობინერი 10.000 კონარი მარგალური ჯოხოფე დო კერჯოხოფე ალბონიუროთ ითაქდიმინენ.

ოკვანდინუში ტელეჶონიშ ნომერი: 00 995 32 250 522