დუდბუტკა

მაჩხორანი პრეზიდენტი: სულეჲმან დემირელ

1 წილვა 1924 თარიღის ისლამქოჲის დიბადუ. გეჭკაფურონი ნწოფულა, ნა დიბადუ ოფუტეს, ოშქენდარი ნწოფულა დო ლისე ისფართა დო აჶჲონის ოჩოდინუ. კუნდურა 1949-ს მპოლიში ტექნიკური უნივერსიტეტი, ელექტრიკაში ინჯინერი ოყოფინოთ ოჩოდინუ. ართნერი წანას, ელექტრობაშ დულჲაფეში ეთუდური ინსტიტუტის ოხანდუშა ქოგჲოჭკუ. 1948-ს ნაზმიჲე ხანუმი კალა იჩილუ. 1954-ს ბარაჟეფეში ინსტიტუტიში დუდმახვენჯობას, 1955-ს ოხენცალეშ წკარიშ დულჲაფეში გენერალური დირექტორობაშა იცხუნუ. 1962- 1964 წანაფეში ოშქენდას ოხოშქვერი კონსულტანტი-ინჯინერი ოყოფინოთ იხანდუ. 1962-ს, ადალეტიში პარტიაში გენერალური ოქთალაშ კომისიაში მაკათურე იყუ. 28 წილვა 1964 თარიღის ამ პარტიაში გენერალური დუდმახვანჯე იცხუნუ. 1965 კუნდურა-გიმუა თუთაფეში ოშქენდას მისია ნა ყუ კოალიციაშ ხეცალაში ვიცე დუდნაზირი იყუ.

10 გიმუა 1965 თარიღონი გენერალური ცხუნობას, ისფართაშენ დეპუტატი ოყოფინოთ მეჯლისიშა ამახთუ. ადალეტიში პარტიაქ თი-მუში კალა ხეცალა იყუში, თურქიაშ რესპუბლიკაში 12. დუდნაზირი იყუ. კაბინეტი კიდუ. სულეჲმან დემირელი, ამ კაბინეტიშ კულე 1969, 1970, 1975, 1977 დო 1979 წანაფეს 5 ჶარა ჩქვა დუდნაზირი იყუ.

12 სტაროშინა 1980 თარიღიში მალიმური დარბეთენ დუდნაზირობაშენ გეიტკოჩინუ. შქვითი წანაშ მორგვალის ჲასაღონი იყუ. პოლიტიკაში გალე დოსქიდუ. 6 სტაროშინა 1987-ს ნა იხვენუ რეჶერანდუმითენ ჲასაღი მუში დიჩოდუ. 24 სტაროშინა 1987 თარიღის, მთინი გზაშ პარტიაში გენერალური დუდმახვენჯი იცხუნუ. 29 წილვა 1987-ს ნა იხვენუ გენერალური ცხუნობაფეს ისფართაში დეპუტატი ოყოფინოთ თურქიაშ ნაციაში დიდი მეჯლისიშა ამახთუ. 20 გიმუა 1991 თარიღის ნა იხვენუ გენერალური ცხუნობაფეშ კულე მთინი გზაშ პარტია კალა სოციალ დემოკრატი ხალკური პარტიაშკელენ ნა იხვენუ 49. კაბინეტიში დუდნაზირი იყუ. 16 ფუქრიკა 1993 თარიღის, თურქიაშ ნაციაში დიდი მეჯლისიშკელენ 9. პრეზიდენტი იცხუნუ. 16 ფუქრიკა 2000 თარიღის მისია მუში ოჩოდინუ.